ಕೃಷಿಯಲ್ಲಿ ಯಂತ್ರೋಪಕರಣಗಳ ಬಳಕೆ ಇಂದಿನ ಅಗತ್ಯವಾಗಿದ್ದು, ಹೊಸ ಟ್ರ್ಯಾಕ್ಟರ್ ಖರೀದಿ ಸಾಮಾನ್ಯ ರೈತರಿಗೆ ದೊಡ್ಡ ಆರ್ಥಿಕ ಹೊರೆ ಆಗುತ್ತಿದೆ. ಇದನ್ನು ಮನಗಂಡು ಕೇಂದ್ರ ಸರ್ಕಾರವು ಕಿಸಾನ್ ಟ್ರ್ಯಾಕ್ಟರ್ ಯೋಜನೆ ಮೂಲಕ ರೈತರಿಗೆ ಟ್ರ್ಯಾಕ್ಟರ್ ಆನ್-ರೋಡ್ ಬೆಲೆಯ 50% ವರೆಗೆ ಸಬ್ಸಿಡಿ ನೀಡುತ್ತಿದೆ. ಹೊಸ ಟ್ರ್ಯಾಕ್ಟರ್ ಖರೀದಿಸುವ ಯೋಚನೆಯಲ್ಲಿರುವ ರೈತರು ಈ ಯೋಜನೆಯ ಲಾಭ ಪಡೆಯಬಹುದು.
ಯೋಜನೆಯ ಹಿನ್ನೆಲೆ
ಈ ಯೋಜನೆಯನ್ನು ಕೃಷಿ ಯಾಂತ್ರೀಕರಣದ ಉಪ-ಮಿಷನ್ (SMAM) ಅಡಿಯಲ್ಲಿ ಜಾರಿಗೆ ತರಲಾಗಿದೆ. ಆಧುನಿಕ ಕೃಷಿ ಪದ್ಧತಿಗೆ ರೈತರನ್ನು ಒಗ್ಗಿಸಿಕೊಳ್ಳಿ, ಉತ್ಪಾದಕತೆ ಹಾಗೂ ಆದಾಯ ಹೆಚ್ಚಿಸುವುದು ಇದರ ಉದ್ದೇಶ.
ಯೋಜನೆಯ ಪ್ರಮುಖ ಲಾಭಗಳು
ಅರ್ಧ ಬೆಲೆಗೆ ಟ್ರ್ಯಾಕ್ಟರ್: ಟ್ರ್ಯಾಕ್ಟರ್ ಬೆಲೆಯ 50% ಹಣವನ್ನು ಸರ್ಕಾರವೇ ಸಬ್ಸಿಡಿಯಾಗಿ ನೀಡುತ್ತದೆ.
ನೇರ ನಗದು ವರ್ಗಾವಣೆ (DBT): ಮಧ್ಯವರ್ತಿಗಳಿಲ್ಲದೆ ರಿಲೀಸ್ ಆರ್ಡರ್ ಮೂಲಕ ಪ್ರಕ್ರಿಯೆ.
ಸಾಲ ಸೌಲಭ್ಯ: ಸಬ್ಸಿಡಿ ಹೊರತುಪಡಿಸಿ ಉಳಿದ ಮೊತ್ತಕ್ಕೆ ಬ್ಯಾಂಕ್ ಸಾಲ ಪಡೆಯಲು ಅವಕಾಶ.
ಎಲ್ಲಾ ವರ್ಗದ ರೈತರಿಗೆ ಅವಕಾಶ: ಸಾಮಾನ್ಯ, OBC, SC/ST ಸೇರಿದಂತೆ ಎಲ್ಲರಿಗೂ ಅನ್ವಯ; ಮಹಿಳಾ ರೈತರಿಗೆ ಆದ್ಯತೆ.
ಯಾರು ಅರ್ಹರು?
ಅರ್ಜಿದಾರರು ಭಾರತದ ನಿವಾಸಿ ರೈತರಾಗಿರಬೇಕು.
ವಾರ್ಷಿಕ ಆದಾಯ ₹2 ಲಕ್ಷಕ್ಕಿಂತ ಕಡಿಮೆ ಇರಬೇಕು.
ಈ ಹಿಂದೆ ಯಾವುದೇ ಸರ್ಕಾರಿ ಟ್ರ್ಯಾಕ್ಟರ್ ಸಬ್ಸಿಡಿ ಪಡೆದಿರಬಾರದು.
ಒಂದು ಕುಟುಂಬಕ್ಕೆ ಒಬ್ಬರಿಗೆ ಮಾತ್ರ ಸಬ್ಸಿಡಿ.
ರೈತರ ಹೆಸರಿನಲ್ಲಿ ಮಾನ್ಯ ಭೂ ದಾಖಲೆಗಳು (RTC/ಪಹಣಿ) ಇರಬೇಕು.
ಅರ್ಜಿ ಸಲ್ಲಿಸುವ ವಿಧಾನ
ಆನ್ಲೈನ್ ಮೂಲಕ:
1. ಅಧಿಕೃತ ಪೋರ್ಟಲ್ agrimachinery.nic.in ಅಥವಾ ಕರ್ನಾಟಕದ K-Kisan ಪೋರ್ಟಲ್ ಗೆ ಭೇಟಿ ನೀಡಿ.
2. New Farmer Registration ಆಯ್ಕೆ ಮಾಡಿ ಆಧಾರ್ ಮೂಲಕ e-KYC ಪೂರ್ಣಗೊಳಿಸಿ.
3. ಲಾಗಿನ್ ಮಾಡಿ ವೈಯಕ್ತಿಕ ವಿವರ, ಬ್ಯಾಂಕ್ ಖಾತೆ, ಭೂ ದಾಖಲೆಗಳು ಅಪ್ಲೋಡ್ ಮಾಡಿ.
4. ಅರ್ಜಿಯನ್ನು ಸಬ್ಮಿಟ್ ಮಾಡಿ.
ಆಫ್ಲೈನ್ ಮೂಲಕ:
ಹತ್ತಿರದ ರೈತ ಸಂಪರ್ಕ ಕೇಂದ್ರ (RSK) ಅಥವಾ ಜಿಲ್ಲಾ ಕೃಷಿ ಇಲಾಖೆ ಕಚೇರಿಗೆ ಭೇಟಿ ನೀಡಿ.
ಅಗತ್ಯ ದಾಖಲೆಗಳೊಂದಿಗೆ ಅರ್ಜಿ ಸಲ್ಲಿಸಿ.
ಅಗತ್ಯ ದಾಖಲೆಗಳು
ಆಧಾರ್ ಕಾರ್ಡ್
ಬ್ಯಾಂಕ್ ಪಾಸ್ಬುಕ್ ಪ್ರತಿಯು
ಭೂ ದಾಖಲೆಗಳು (RTC/ಪಹಣಿ)
ಜಾತಿ ಹಾಗೂ ಆದಾಯ ಪ್ರಮಾಣಪತ್ರ
ರೈತ ಗುರುತಿನ ಚೀಟಿ (FID)
ಮಹತ್ವದ ಸೂಚನೆ
ಸಬ್ಸಿಡಿ ಮೊತ್ತವು ರಾಜ್ಯದಿಂದ ರಾಜ್ಯಕ್ಕೆ ಹಾಗೂ ಟ್ರ್ಯಾಕ್ಟರ್ ಮಾದರಿಯ ಪ್ರಕಾರ ಸ್ವಲ್ಪ ಬದಲಾಗಬಹುದು.
ನಿಖರ ಮಾಹಿತಿಗಾಗಿ ನಿಮ್ಮ ತಾಲ್ಲೂಕಿನ ಕೃಷಿ ಅಧಿಕಾರಿಯನ್ನು ಸಂಪರ್ಕಿಸುವುದು ಉತ್ತಮ.
