ಅಂತರ್ಜಾತಿ ವಿವಾಹಕ್ಕೆ ಸರ್ಕಾರದಿಂದ ಪ್ರೋತ್ಸಾಹಧನ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಆರಂಭ

ಬೆಂಗಳೂರು:ಸಾಮಾಜಿಕ ಸಮಾನತೆ ಹಾಗೂ ಜಾತಿ ವೈಷಮ್ಯ ನಿರ್ಮೂಲನೆ ಉದ್ದೇಶದಿಂದ ರಾಜ್ಯ ಸರ್ಕಾರವು ಅಂತರ್ಜಾತಿ ವಿವಾಹ ಪ್ರೋತ್ಸಾಹಧನ ಯೋಜನೆಯನ್ನು ಜಾರಿಗೆ ತಂದಿದ್ದು, ಪರಿಶಿಷ್ಟ ಜಾತಿ (SC) ಮತ್ತು ಪರಿಶಿಷ್ಟ ಪಂಗಡ (ST) ಯುವಕ–ಯುವತಿಯರು ಇತರೆ ಜಾತಿಯವರನ್ನು ವಿವಾಹವಾದಲ್ಲಿ ಆರ್ಥಿಕ ನೆರವು ನೀಡಲಾಗುತ್ತಿದೆ. ಈ ಯೋಜನೆಯ ಮೂಲಕ ಅಂತರ್ಜಾತಿ ವಿವಾಹಗಳನ್ನು ಉತ್ತೇಜಿಸಿ ದಂಪತಿಗಳಿಗೆ ಆರ್ಥಿಕ ಬೆಂಬಲ ಒದಗಿಸಲಾಗುತ್ತಿದೆ.
ಅರ್ಹ ದಂಪತಿಗಳು ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಕೆಳಗಿನ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು:
https://swdservices.karnataka.gov.in/SWIncentive/ICM/ICMHome.aspx

ಪ್ರೋತ್ಸಾಹಧನದ ವಿವರ
ಪರಿಶಿಷ್ಟ ಪಂಗಡದ ಪುರುಷರು ಇತರೆ ಜಾತಿಯ ಮಹಿಳೆಯನ್ನು ವಿವಾಹವಾದಲ್ಲಿ ರೂ. 2,00,000 (ಎರಡು ಲಕ್ಷ ರೂ.)
ಪರಿಶಿಷ್ಟ ಪಂಗಡದ ಮಹಿಳೆಯರು ಇತರೆ ಜಾತಿಯ ಪುರುಷರನ್ನು ವಿವಾಹವಾದಲ್ಲಿ ರೂ. 3,00,000 (ಮೂರು ಲಕ್ಷ ರೂ.)
ಹಂತ ಹಂತವಾಗಿ ಹಣ ವಿತರಣೆರೂ. 2 ಲಕ್ಷ ಪ್ರೋತ್ಸಾಹಧನ:
ಮೊದಲ ಕಂತು: ರೂ.1 ಲಕ್ಷ ರೂ.50,000 ಬ್ಯಾಂಕ್ ಚೆಕ್ ಮೂಲಕ ಜಂಟಿ ಖಾತೆಗೆ ರೂ.50,000 ರಾಷ್ಟ್ರೀಯ ಉಳಿತಾಯ ಪತ್ರ (NSC) ರೂಪದಲ್ಲಿ ಎರಡನೇ ಕಂತು (ಒಂದು ವರ್ಷದ ನಂತರ): ರೂ.50,000 ಬ್ಯಾಂಕ್ ಖಾತೆಗೆ ರೂ.50,000 NSC ರೂಪದಲ್ಲಿ
ರೂ. 3 ಲಕ್ಷ ಪ್ರೋತ್ಸಾಹಧನ:ಮೊದಲ ಕಂತು: ರೂ.1.50 ಲಕ್ಷ
ರೂ.75,000 ಬ್ಯಾಂಕ್ ಖಾತೆಗೆ ರೂ.75,000 NSC ರೂಪದಲ್ಲಿ
ಎರಡನೇ ಕಂತು (ಒಂದು ವರ್ಷದ ನಂತರ): ರೂ.75,000 ಬ್ಯಾಂಕ್ ಖಾತೆಗೆ ರೂ.75,000 NSC ರೂಪದಲ್ಲಿ
ವಿಶೇಷ ನಿಯಮಗಳು
ಪ್ರೋತ್ಸಾಹಧನ ಪೂರ್ಣವಾಗಿ ನೀಡುವ ಮೊದಲು ಪತಿ ನಿಧನರಾದಲ್ಲಿ, ಉಳಿದ ಮೊತ್ತವನ್ನು ಪತ್ನಿಯ ಹೆಸರಿಗೆ NSC ರೂಪದಲ್ಲಿ ನೀಡಲಾಗುತ್ತದೆ.
ಪತ್ನಿ ನಿಧನರಾದಲ್ಲಿ, ಉಳಿದ ಹಣವನ್ನು ಮಕ್ಕಳ ಹೆಸರಿಗೆ NSC ರೂಪದಲ್ಲಿ ನೀಡಲಾಗುತ್ತದೆ.
ಮಕ್ಕಳು ಇಲ್ಲದಿದ್ದಲ್ಲಿ ಉಳಿದ ಮೊತ್ತ ನೀಡಲಾಗುವುದಿಲ್ಲ.
ವಯೋಮಿತಿ ಮತ್ತು ಆದಾಯ ಅರ್ಹತೆ
ಮಹಿಳೆ: 18 ರಿಂದ 42 ವರ್ಷ ಮತ್ತು ಪುರುಷ: 21 ರಿಂದ 45 ವರ್ಷಪತಿ–ಪತ್ನಿ ಇಬ್ಬರ ವಾರ್ಷಿಕ ಒಟ್ಟು ಆದಾಯ ರೂ.50,000 ಮೀರಬಾರದು
ಅರ್ಜಿ ಸಲ್ಲಿಕೆ ನಿಯಮಗಳು
ಉಪ ನೋಂದಣಾಧಿಕಾರಿಗಳಿಂದ ನೀಡಲಾದ ಮೂಲ ಅಂತರ್ಜಾತಿ ವಿವಾಹ ಪ್ರಮಾಣ ಪತ್ರ ಕಡ್ಡಾಯ
ಸಮಾಜ ಕಲ್ಯಾಣ ಇಲಾಖೆ / ಸಮಗ್ರ ಗಿರಿಜನ ಅಭಿವೃದ್ಧಿ ಯೋಜನೆ ಅಧಿಕಾರಿಗಳಿಂದ ಪರಿಶೀಲನೆ
ಅರ್ಜಿಯನ್ನು ದಂಪತಿಗಳ ಸ್ವಂತ ಜಿಲ್ಲೆಯಲ್ಲಿ ಮಾತ್ರ ಸಲ್ಲಿಸಬೇಕು
ಸರ್ಕಾರದ ಈ ಯೋಜನೆ ಅಂತರ್ಜಾತಿ ವಿವಾಹಗಳನ್ನು ಉತ್ತೇಜಿಸಿ, ಸಮಾನ ಸಮಾಜ ನಿರ್ಮಾಣಕ್ಕೆ ಮಹತ್ವದ ಹೆಜ್ಜೆಯಾಗಿದೆ.